हङकङमा ट्राफिक लाइटको पोलमा ठोकियो कार, चालक बेहोस

हङकङको सेन्ट्रल क्वीन्स वेबाट वानचाइतर्फ गइरहेको कार सोमबार दिउँसो ट्राफिक लाइटको पोलमा ठोकिँदा चालक घाइते भएका छन्।

दुर्घटनालगत्तै घटनास्थल पुगेका अग्निनियन्त्रकहरूले कार चालकलाई उद्धार गरेका छन्।

उनलाई अचेत अवस्थामा उद्धार गरी पोकफु लामस्थित क्वीन मेरी अस्पताल पठाइएको छ।

उक्त घटनाबारे प्रहरीले अनुसन्धान गरिरहेको छ।