हङकङमा पाँच सवारी साधन जुध्दा ८७ घाइते

हङकङमा पाँच वटा सवारी साधन जुध्दा ८७ जना मानिस घाइते भएका छन्। शुक्रबार दिउँसो सेउङ क्वान ओ टनेलनजिकै सो दुर्घटना भएको छ। 

घाइते हुनेहरुमा प्राथमिक स्कुलका विद्यार्थीहरु समेत छन्।

घाइते एक जनाको स्थिति नाजुक रहेको र अर्का एक व्यक्ति पनि गम्भीर घाइते भएको सरकारी प्रवक्ताले बताएकी छन्। उनीहरु दुवै युनाइटेड क्रिस्चियन हस्पिटलमा उपचाररत छन्।

सो दुर्घटनामा दिउँसो १ बजेतिर चार वटा बस र एउटा ट्रक ठोक्किएको बताइएको छ। 

तीन वटा बसले १८० जना विद्यार्थी र शिक्षक बोकेका थिए। उनीहरु एसकेएच ताक तिन ली सिक्यु क्युङ प्राइमरी स्कुलका हुन्।

चौथो बसमा भने प्रायः वृद्धहरु थिए, जो घुम्न निस्केका थिए।

करिब ३० विद्यार्थी घाइते छन्। एससीएमपी