हङकङमा स्कुल जाँदै गरेकी बालिकालाई रङ खन्याउने तीन जनालाई जेल

हङकङमा स्कुल जाँदै गरेकी बालिकालाई रङ खन्याउने तीन जनालाई जेल

घटनासँग सम्बन्धित प्रमाण प्रदर्शन गर्दै प्रहरी


नेपालखबर
भदौ १ , काठमाडौँ

छ वर्षीया बालिकालाई रङ हान्ने तीन पुरुषलाई हङकङमा तीन महिना जेल सजाय दिइएको छ। स्कुल जाँदै गरेकी बालिकालाई उनको परिवारसँगको दुश्मनीका कारण उनीहरुले आक्रमण गरेका थिए।

जेल पर्नेहरुमा वर्ष २८ का निर्माण कामदार ली पुइयु, ३३ वर्षीय रेस्टुराँ सञ्चालक चेङ फुकिट र यातायात कामदार ४७ वर्षीय चान हाउची छन्। 

मुख्यभूमि चीनमा ऋण उठाउने काम गर्ने बालिकाका हजुरबासँग उनीहरुको दुश्मनी रहेको बताइएको छ।

बुधबार जिल्ला अदालतले उनीहरुलाई सो सजाय दिएको हो। उनीहरुले होसियारीपूर्वक योजना बनाएर आक्रमण गरेको अदालतको भनाइ छ।

उनीहरुले अक्टोबर २०२० मा सा तिनस्थित सोइ विङ सिङ प्राथमिक विद्यालयको प्रवेशद्वार पुगेर ती बालिकालाई गिलासबाट रङ खन्याइदिएका थिए। 

घटनामा संलग्न दुई जनालाई प्रहरीले केही दिनमै पक्रेको थियो। एक जना गत वर्ष मात्र पक्राउ परेका थिए। एससीएमपी

भदौ १, २०७९, बुधबार

प्रतिक्रिया

Danfe Global Hong Kong Pvt. Ltd.

Ground Floor 9, Keybond Commercial Building,
No. 38 Ferry Street, Kowloon, Hong Kong

[email protected]
[email protected]

Hong Kong Team

Correspondent
Purna Gurung (Macau)

Radio Correspondent
Santosh Tamang
HK News Coordinator
Magendra Rai

Editor in Chief
Purna Basnet
Copyright © 2021 Nepalkhabar. All Rights Reserved. Designed by Curves n' Colors. Powered by .