हङकङमा शनिबार एकैदिन कोभिड-१९ का ३५० नयाँ संक्रमित थपिएका छन्।
हङकङको स्वास्थ्य नियामकले दिएको जानकारीअनुसार पहिलोपटक हङकङमा यति धेरै संख्यामा नयाँ संक्रमित थपिएका हुन्।
यसअघि गत जनवरी २७ मा एकैदिन कोरोनाका १६४ नयाँ संक्रमित थपिएका थिए। अहिलेसम्मका लागि यो सबैभन्दा धेरै नयाँ संक्रमितको संख्या थियो।
शुक्रबार हङकङ शीर्ष अधिकारीहरुले लाखौं र्यापिड परीक्षण किट्सको व्यवस्था गर्ने बताएको छ।
हङकङले कोरोना महामारी सुरु भएपछिको सबैभन्दा खराब लहरको सामना गरिरहेको छ।
हङकङको कोरोना खोप अभियानका प्रमुख प्याट्रिक निप टक कुएनले अझै पनि कोरोनाको लहर उत्कर्षमा नपुगेको बताएका छन्।
पछिल्लो समय कोरोना भाइरसको ओमिक्रोन भेरियन्टसहितको संक्रमण फैलिएसँगै कोरोनाको लहर पनि उत्कर्षमा पुगेको हो।
612
Shares
प्रतिक्रिया