हङकङमा शौचालय जाने विषयमा विवाद हुँदा एक व्यक्तिले आफ्नै छोरामाथि छुरा प्रहार गरेका छन्।
गतवर्षको अक्टोबर २ मा ७८ वर्षका वोङ पाक–चुङले ३१ वर्षका छोरामाथि छुरा हानेको साउथ चाइना मर्निङ पोस्टले जनाएको छ।
आक्रमणपछि वोङ वा–ली गम्भीर घाइते भएका थिए। उनको २७ दिनसम्म अस्पतालमा उपचार भएको थियो।
याउ तोङस्थित लि यु मुन स्टेटको आवसीय भवनमा यो घटना भएको थियो। आक्रमणबाट वोङ वा–लीको शिरको खप्परहरुमा चोट लागेका थिए।
प्रहरीका अनुसार बाथरुमभर रगत लतपतिएका थिए। छोराले बाथरुम प्रयोग गर्न नदिएर उल्टै धकेलेपछि आफूले आक्रमण गरेको वोङ पाकले स्वीकार गरेका छन्।
छुरा आक्रमणपछि छोराले कुदेर गएर प्रहरीलाई खबर गरेका थिए। आज बिहीबार अदालतमा पिता वोङ दोषी करार भइसकेका छन्।
उनलाई कस्तो सजाय दिने भनेर अगष्ट १६ मा फैसला दिने बताइएको छ।
4.8k
Shares
प्रतिक्रिया