'इरान अमेरिकासँग दुवै परिस्थितिका लागि तयार'

इरानका विदेशमन्त्री अब्बास अराघ्चीले इरान संयुक्त राज्य अमेरिकासँग जुनसुकै परिस्थितिका लागि पनि तयार रहेको बताएका छन्।

अराघ्चीले सीएनएनसँगको अन्तर्वार्तामा उक्त अभिव्यक्ति दिएका हुन्।

अन्तर्वार्तामा उनले भनेका छन्, 'इरान र अमेरिका एक महत्वपूर्ण मोडमा छन्। हामी आणविक हतियारको अनुपस्थिति सुनिश्चित गर्न निष्पक्ष र न्यायपूर्ण सम्झौतामा पुग्न सक्छौँ। यो परिणाम दुवै पक्षका लागि लाभदायक छ र छोटो समयमा प्राप्त गर्न सकिन्छ।'

उनले थपे, 'अर्कातर्फ देशमा गलत हिसाबकिताब वा आक्रमण हुन सक्छ। इरान त्यो परिस्थितिका लागि पनि पूर्ण रूपमा तयार छ।'