मतदान अधिकृत कुटिएपछि सप्तरीको डाक्नेश्वरी २ मा मतदान स्थगित

सप्तरीको डाक्नेश्वरी नगरपालिका वडा नं २ मा मतदान स्थगित भएको छ।

मतदान अधिकृतमाथि हातपात तथा पतपेटिका तोडफोडपछि मतदान स्थगित भएको हो। 

नगरपालिका निर्वाचन अधिकृत शम्भुनाथ मगरले मतदान अधिकृतमाथि हातपात भएको जानकारी दिए। 

‘वडा नं २ मा मतदान स्थगित भएको छ। सर्वदलीय बैठकपछि आइतबार गर्ने सहमति भएको छ,’ नगरपालिकाका निर्वाचन अधिकृत मगरले भने, ‘सर्वदलीय बैठकको सहमतिपछि पनि निर्वाचन आयोगले तोकेको मितिमा निर्वाचन हुन्छ।’