तीन दिनदेखि सुनको मूल्य स्थिर

सुनको मूल्य तीन दिनयता स्थिर छ। 

२७ गतेयता सुनको मूल्यमा घटबढ नभएको हो। 

२५ गते १ लाख ४५ हजार रुपैयाँ प्रतितोला कारोबार भएको सुन २६ गते घटेर १ लाख ४१ हजार रुपैयाँमा कारोबार भएको थियो। 

आज छापावाल सुन १ लाख ४१ हजार, तेजाबी सुन १ लाख ४० हजार ३ सय रुपैयाँमा कारोबार भएको थियो।

चाँदीको मूल्य भने आज १० रुपैयाँले घटेको छ। आज चाँदी १ हजार ८ सय १५ रुपैयाँमा कारोबार भएको नेपाल सुनचाँदी व्यवसायी महासंघले जनाएको छ। 

अन्तर्राष्ट्रिय बजारमा २ हजार ३ सय २ अमेरिकी डलर प्रतिऔँस मूल्यमा कारोबार भएको एजेन्सीहरुले जनाएका छन्।