आगामी आर्थिक वर्ष २०८१/०८२ को बजेटपछि सुनको मूल्यले नयाँ कीर्तिमान बनाएको छ।
अर्थमन्त्री वर्षमान पुनले बजेटमार्फत सुनको भन्सार शुल्क १५ प्रतिशतबाट २० प्रतिशत पुर्याएका थिए।
बजेटपछिका पछिल्ला ३ दिन सुन लगातार बढेको छ। व्यवसायीहरुले बिहीबारदेखि नयाँ दरमा मूल्य समायोजन गर्दा सुनको मूल्यले नयाँ कीर्तिमान खडा गरेको हो।
योसँगै शुक्रबार छापावाल सुन १ लाख ४२ हजार २ सय र तेजाबी सुन १ लाख ४१ हजार ५ सय रुपैयाँ पुगेको नेपाल सुनचाँदी व्यवसायी महासंघले जनाएको छ।
महासंघका अनुसार शुक्रबार चाँदीको मूल्य भने २५ रुपैयाँले घटेको छ। अघिल्लो दिन १ हजार ९ सय रुपैयाँ प्रतितोला मूल्य रहेको चाँदी आज १ हजार ८ सय ७५ रुपैयाँ पुगेको छ।
अन्तर्राष्ट्रिय बजारमा चाँदी ३१.११ अमेरिकी डलर र २ हजार ३ सय ४४ अमेरिकी डलर प्रतिऔँस मूल्यमा सुनको कारोबार भएको छ।
Shares
प्रतिक्रिया