प्रदेश ५ सरकारले आर्थिक वर्ष २०७६÷०७७ का लागि ३६ अर्ब ४१ करोड ६८ लाखको बजेट ल्याएको छ। आर्थिक मामिला तथा योजना मन्त्रालय समेत हेरिरहेका मुख्यमन्त्री शंकर पोखरेलले प्रदेश ५ को बजेट प्रदेशसभामा प्रस्तुत गरेका हुन्।
कुल विनियोजनमन्त्रये चालूतर्फ १३ अर्ब ४५ करोड ५ लाख (३६.९४ प्रतिशत), पुँजीगत तर्फ १८ अर्ब ५७ करोड ६४ लाख (३६.९४ प्रतिशत) र पुँजीगततर्फ १८ अर्ब ५७ करोड ६४ लाख अर्थात् ५१.०१ प्रतिशत बजेट विनियोजन गरिएको हो।
त्यस्तै वित्तीय हस्तान्तरण अन्तर्गत स्थानीय तहलाई सशर्त अनुदानस्वरुप १ अर्ब ३८ करोड ९८ लाख, समानीकरण अनुदानस्वरुप १ अर्ब गरी कुल ४ अर्ब ३८ करोड ९८ लाख विनियोजन गरिएको छ। बजेट खर्च व्यहोर्ने स्रोतमध्ये आन्तरिक राजस्वबाट ४ अर्ब ५९ करोड, राजस्व बाँडफाँटबाट ९ अर्ब ९१ करोड, रोयल्टी बाँडफाँटबाट ३० करोड, वित्तीय समानीकरण अनुदानबाट ७ अर्ब ५४ करोड, सशर्त अनुदानबाट ७ अर्ब ७७ करोड, चालू आवको बचत रकमबाट ५ अर्ब, समपूरक अनुदानबाट ८० करोड, विशेष अनुदानबाट ५० करोड रहने मुख्यमन्त्री पोखरेलले बताए।
प्रदेश सभामा बजेट प्रस्तुत गर्दै उनले सुर्ती र मदिराजन्यबाहेकका उद्योगलाई खरिद गर्ने जग्गा रजिष्ट्रेसन शुल्कमा ७५ प्रतिशत छुट दिने, विद्यार्थी, ज्येष्ठ नागरिक, अपांगता भएका व्यक्तिलाई छुट दिने सवारीसाधनको धनीले तिर्नुपर्ने करमा ६० प्रतिशत छुट दिने र अपांगता भएका व्यक्तिले प्रयोग गर्न मिल्ने १५० सीसीसम्मका स्कुटरमा सवारीसाधनमा कर नलाग्ने व्यवस्था गरेको बताए। गत वर्ष यो प्रदेशले २८ अर्बको बजेट ल्याएको थियो।
प्रतिक्रिया