युनिकोड
तीन दिनमा ५२ हजार सातसय घटेर हिजो थोरै बढेको सुनको मूल्य आज व्यापक मात्रामा बढेको छ।
सुनको मूल्य आज तोलामा १४ हजार चारसय रुपैयाँ बढेको नेपाल सुनचाँदी व्यवसायी महासंघले जनाएको छ।
मूल्य बढेर आज सुन तोलाको तीन लाख चार हजार सातसय रुपैयाँ पुगेको छ।
मंगलबार तोलामा ३७ सय बढेर सुनको मूल्य दुई लाख ९० हजार तीनसय रुपैयाँ पुगेको थियो।
गएको शुक्रबार, आइतरबार र सोमबार सुनको मूल्य लगातार घटेको थियो।
सुनको मूल्य सोमबार प्रतितोला १३ हजार ४ सय रुपैयाँ घटेर २ लाख ८६ हजार ६ सय रुपैयाँ निर्धारण भएको थियो।
गत बिहीबार तोलामा २० हजार पाँच सय रुपैयाँले बढेर सुनको भाउ तीन लाख ३९ हजार तीन सय रुपैयाँ कायम भएको थियो। नेपाली बजारमा सुनको यो मूल्य हालसम्मकै सबैभन्दा उच्च हो।
गएको शुक्रबार सुनको भाउ तोलामा २० हजार ५ सय रुपैयाँ घटेको थियो भने आइतबार पनि १८ हजार ८ सय रुपैयाँ घटेको थियो।
आज चाँदीको मूल्य पनि बढेको छ।
प्रतितोला दुईसय ६५ रुपैयाँ बढेर चाँदीको मूल्य आज तोलाको पाँच हजार ६ सय रुपैयाँ पुगेको छ।
गएको आइतबार तोलामा १५ सय ६५ रुपैयाँ घटेर चाँदीको भाउ पाँच हजार पाँचसय रुपैयाँमा झरेको थियो। चाँदीको मूल्यमा यो गिरावट हालसम्मकै सबैभन्दा उच्च हो।
गएको बिहीबार चाँदीको भाउ सात हजार ५०५ रुपैयाँ पुगेको थियो। चाँदीको यो मूल्य अहिलेसम्मकै उच्च हो।
प्रतिक्रिया