राजस्व अनुसन्धान विभागले ५ व्यापारीविरुद्ध २४ करोड ४१ लाख २२ हजार ४ सय ६६ रुपैयाँ सजाय मागदाबीसहित मुद्दा दायर गरेको छ।
विभागले उच्च अदालत पाटनमा करछली गरेको आरोपमा पाँच व्यापारीविरुद्ध मुद्दा दायर गरेको हो।
बाराको करैया गाउँपालिका ७ मा रहेको यादव बिजनेस ट्रेडलिंकका प्रोपाइटर सोनालालप्रसाद यादव, सानुकुमार श्रेष्ठ, मुकेशकुमार झा, परमेश्वर साह र जयकिशोर साहविरुद्ध मुद्दा चलाएको हो।
उनीहरुले वस्तु तथा सेवा खरिद नै नगरी झूठो तथा नक्कली कर बीजक खरिद गरेर मूल्यअभिवृद्धि कर र आयकर समेत छली गरेको विभागले जनाएको छ।
विभागका अनुसार उनीहरुले ४ करोड ४१ लाख १९ हजार २६ रुपैयाँ र आयकरतर्फ ७ करोड ८९ लाख ४२ हजार २ सय ७ रुपैयाँ करछली गरेका छन्।
सोहीअनुसार राजस्व चुहावट (अनुसन्धान तथा नियन्त्रण) (पहिलो संशोधन) ऐन २०५२ अनुसार करछलीको १२ करोड २० लाख ६१ हजार २ सय ३३ रुपैयाँ र बिगोको शतप्रतिशत जरिवाना समेत गरी २४ करोड ४१ लाख २२ हजार ४ सय ६६ रुपैयाँ सजाय मागदाबी गरिएको विभागले जनाएको छ।
Shares
प्रतिक्रिया