ड्युटीमै ढलेका प्रहरी सहायक हवल्दारको मृत्यु

डोटीमा ड्युटीमा खटिएका प्रहरी सहायक हवल्दारको मृत्यु भएको छ। मृत्यु हुनेमा इलाका प्रहरी कार्यालय बीपीनगरमा कार्यरत प्रहरी सहायक हबल्दार ३६ वर्षीय बहादुरसिंह पाली छन्।

जिल्ला प्रहरी कार्यालय, डोटीका डीएसपी भीमलाल भट्टराईका अनुसार कार्यालयको सुरक्षा ड्युटीमा खटिएका बेला बुधबार बिहान ३ बजेतिर प्रहरी सहायक हबल्दार पाली ढलेका थिए। 

बेहोस भएर ढलेपछि उपचारका लागि कैलालीको धनगढी लगिएकोमा बिहान साढे ६ बजे चिकित्सकले मृत घोषणा गरेको उनले बताए।

पाली डडेल्धुराको भागेश्वर गाउँपालिका–३ का हुन्। उनका श्रीमति र १५ वर्षीय छोरी छिन्।