नेदरल्याण्ड्स र सेनेगलबीच पहिलो हाफ गोलरहित

कतार विश्वकप फुटबल अन्तर्गत समूह ए का सेनेगल र नेदरल्याण्ड्सले पहिलो हाफमा गोलरहित बराबरी खेलेका छन्। 

दोहास्थित अल थुमामा स्टेडियममा जारी खेलको पहिलो हाफमा दुवै टोलीले गोल गर्न सकेनन्। दुवै टोलीले केही सुन्दर मौका बनाए पनि गोल गर्न चुके। नेदरल्याण्ड्सका मिडफिल्डर फ्रेङ्की डि योङले सुन्दर मौका खेर फाले। सेनेगलले पनि केही अवसर गुमायो। 

सेनेगलमा मुख्य खेलाडी सोडियो मानेको अभाव देखियो। मानेले चोटका कारण विश्वकप गुमाएका हुन्। यसअघि आइतबार समूह ए को इक्वेडरले कतारमाथि ३–० को जित दर्ता गरेको छ। 

समुह बी को पहिलो खेलमा भने इङल्याण्डले इरानमाथि ६–२ गोल फराकिलो जित निकालेका छ। सोमबार राति समूह बी का अमेरिका र वेल्स भिड्ने छन्।