युनिकोड
नेपाली राष्ट्रिय टोलीका युवा ओपनर कुशल भुर्तेल अन्तर्राष्ट्रिय क्रिकेट परिषद् (आईसीसी)को महिनाको उत्कृष्ट खेलाडीको मनोनयनमा परेका छन्।
अप्रिल महिनामा उत्कृष्ट प्रदर्शन गरेका खेलाडीहरुमध्ये आईसीसीले बुधबार सार्वजनिक गरेको ‘प्लेयर अफ दि मन्थ’मा कुशलसँगै पाकिस्तानका दुई खेलाडीले स्थान बनाएका छन्।
मनोनयनमा परेका खेलाडीलाई आईसीसीको अफिसियल फेसबुक पेजमा गएर भोट गर्न सकिन्छ।
कुशलले घरेलु मैदानमा भएको तीन देश सम्मिलित टी–२० अन्तर्राष्ट्रिय क्रिकेटमा २ सय ७८ रन बनाएका थिए।
नेपाललाई त्रिकोणात्मक टी–२० सिरिजको उपाधि दिलाउन कुशलले कीर्तिमानी प्रदर्शन गरेका थिए।
डेब्युसहित लगातार तीन खेलमा अर्धशतक प्रहार गर्ने कुशल पहिलो टी–२० आई खेलाडी हुन्।
— ICC (@ICC) May 5, 2021The ICC Men's Player of the Month nominees for April are in 👀
Fakhar Zaman 🇵🇰 302 ODI runs at 100.66, two centuries
Babar Azam 🇵🇰 228 ODI runs at 76.00; 305 T20I runs at 43.57
Kushal Bhurtel 🇳🇵 278 T20I runs at 69.50
Vote now: https://t.co/ZYuKhVxbHF 🗳️#ICCPOTM pic.twitter.com/7dyVhwkFOo
कुशलले नेदरल्यान्ड्सको डेब्यु खेलमा ६२ रन बनाएका थिए। दोस्रो खेलमा मलेसियाविरुद्ध ६१ र तेस्रो खेलमा नेदरल्यान्ड्सँग ६२ रन बनाउँदै लगातार तेस्रो अर्धशतक प्रहार गरेका थिए।
चौथो खेलमा मलेसियासँग १६ मात्र बनाएका कुशलले फाइनल खेलमा ७७ रन बनाएका थिए। जुन खेल नेपालले १ सय ४२ रनले हराउँदै सिरिजको उपाधि जितेको थियो।
कुशलसँगै पाकिस्तानका कप्तान बाबर आजम र पाकिस्तानकै ओपनर फखर जमान मनोनयनमा परेका हुन्।
पाकिस्तानका कप्तान बाबर आजमले एक दिवसीय क्रिकेटमा २ सय २८ र टी–२० अन्तर्राष्ट्रिय क्रिकेटमा ३ सय ५ रन बनाएका छन्। टी–२० आई खेलमा दक्षिण अफ्रिकाले दिएको २ सय ४ रनको विशाल लक्ष्य भेट्टाउने क्रममा ५९ बलमा १ सय २२ रनको कीर्तिमानी इनिङ खेलेका थिए।
यसमा उनले १५ चौका र ४ छक्का हानेका थिए।
पाकिस्तानका अर्का ओपनर फखर जमानले जमानले एक दिवसीय क्रिकेटमा ३ सय २ रन बनाएका छन्। जमानले दक्षिण अफ्रिकासँगको एक दिवसीय खेलमा दुई शतक हानेका थिए।
प्रतिक्रिया