फुटबलर विमल घर्तीमगर विवाह बन्धनमा बाँधिए

नेपाली राष्ट्रिय फुटबल टोलीका फरवार्ड विमल घर्तीमगर विवाह बन्धनमा बाँधिएका छन्।

विमलले आइतबार सामाजिक सञ्जाल फेसबुकमा आफ्नी प्रेमिकासँगको विवाहको तस्बिर सार्वजनिक गरेका हुन्।

लामो समयदेखि प्रेमसम्बन्धमा रहेका विमल र उनकी प्रेमिका लिना प्रधान विवाह बन्धनमा बाँधिएका हुन्।

विवाहको फोटो सार्वजनिक गर्दै विममले लेखेका छन्, ‘मेरो हिजो आज र सँधैभरि.. र उनी अरु कोही होइनन् मेरी अर्धाङ्गिनी।’

विमलले एएफसी कप छनोटको प्लेअफ अन्तर्गत दशरथ रंगशालामा भएको पारो एफसीविरुद्ध प्लेयर अफ द म्याच बनेपछि खेलमा गरेको गोल लिनालाई नै समर्पण गरेका थिए।