युनिकोड
गण्डकी प्रदेशलाई पराजित गर्दै नेपाल एपीएफ क्लबले प्रधानमन्त्री कप टी-२० क्रिकेट प्रतियोगितामा अपराजित यात्रा जारी राखेको छ।
शुक्रबार भएको खेलमा एपीएफले गण्डकी प्रदेशलाई २ रनले पराजित गर्दै अंक तालिकाको शीर्ष स्थानमा उक्लेको छ।
एपीएफले दिएको ९३ रनको लक्ष्य पछ्याएको गण्डकी प्रदेशले निर्धारित २० ओभरमा ७ विकेट गुमाएर ९० रन मात्र बनाउन सक्यो। गण्डकीका कप्तान विपिन खत्रीले ३६ र विधान श्रेष्ठले २९ रन बनाउन बाहेक अन्यले दोहोरो अंकको स्कोर छुन सकेनन्।
एपीएफका कमल ऐरीले ३, किशोर महतोले २ तथा अविनाश बोहोराले एक विकेट लिए।
त्यसअघि मूलपानी क्रिकेट मैदानमा टस जितेर पहिले ब्याटिङ गरेको एपीएफले १८ दशमलव ४ ओभरमा ९२ रन जोड्दा अलआउट भयो।
आजै भएको अर्को खेलमा प्रदेश २ लाई ४२ रनले पराजित गर्दै लुम्बिनी प्रदेशले पहिलो जित दर्ता गरेको छ।
लुम्बिनीले दिएको १ सय ६२ रनको लक्ष्य पछ्याएको प्रदेश २ ले २० ओभरमा ९ विकेट गुमाएर १ सय १९ रन मात्र बनाउन सक्यो।
प्रदेश २ लाई कम स्कोरमा रोक्न अनिल खरेल एक्लैले ५ विकेट लिए। खेलको म्यान अफ दि म्याच समेत बनेका उनले आफ्नो स्पेलमा १ मेडन राख्दै १३ रन खर्चे।
लुम्बिनीको जितमा देव खनाल र अनिल खरेल नायक बने।
देव खनालले अर्धशतक प्रहार गरे। ३८ बलको सामना गरेका खरेलले ४ चौका र २ छक्का मद्दतमा ५४ रनको योगदान दिए। बसिर अहमद र सन्दीप रजालीले समान ३० रन थपे।
प्रदेश २ का रुपेश सिंह र विवेक यादवले समान २ विकेट झारे।
प्रतिक्रिया