युनिकोड
झापाको कनकाई नगरपालिका–४ स्थित भित्री सडकखण्डबाट प्रहरीले गोली प्रहार गरी दुई भारतीयलाई पक्राउ गरेको छ।
उनीहरु लागुऔषध कारोबारी भएका प्रहरीले जनाएको छ।
भारतको बिहार राज्य अन्तर्गतको डिगल बैंकथाना घर भएका २८ वर्षीय अन्जार आलम र उनका भाई १९ वर्षीय यूसुब आलामलाई गोली चलाएर पक्राउ गरिएको जिल्ला प्रहरी कार्यालय झापाका सूचना अधिकारी कृष्णबहादुर चन्दले जानकारी दिए।
प्रहरीका अनुसार उनीहरुले वीआर ३७ एए ८४९८ नम्बरको मोटरसाइकलमा लागुऔषध ओसारपसार गरिरहेका थिए। प्रहरीले रोकेर जाँज गर्ने क्रममा दुवै जना भाग्न खोज्दा उनीहरुमाथि गोली चलाउनु परेको चन्दले बताए।
प्रहरीले चार राउण्ड हवाई फायर गरी दुवैलाई नियन्त्रणमा लिएको हो। यस क्रममा मोटरसाइकल चालक अन्जार आलमको घुडाँमुनी गोली लागेको छ।
उनीहरुको साथमा प्रतिबन्धित लागुऔषध ब्राउन सुगुर ६३ मिलिग्राम फेला परेको सूचना अधिकारी चन्दले जानकारी दिए। घाइेत अन्जारको प्रादेशिक अस्पताल भद्रपुरमा उपचार भइरहेको छ। रासस
प्रतिक्रिया