घरायसी विवादमा श्रीमतीको हत्या

दाङमा धारिलो हतियार प्रयोग गरी एक महिलाको हत्या भएको छ।

गढवा गाउँपालिका–२ महदेवाकी ४३ वर्षीया शिला चौधरीको आइतबार बिहान उनकै श्रीमानले धारिलो हतियार प्रहार गरी हत्या गरेको प्रहरीले जनाएको छ।

हत्या अभियोगमा ४० वर्षीय धनिराम चौधरीलाई प्रहरीले पक्राउ गरेको छ।

धनिरामले घरायसी विवादमा शिलालाई धारिलो हतियार खुडा प्रहार गर्दा गम्भीर घाइते भएकी थिइन्। उपचारको लागि लमही अस्पताल दाङतर्फ लैजानेक्रममा बाटोमै मृत्यु भएको हो।

यस सम्बन्धमा प्रहरीले थप अनुसन्धान गरिरहेको दाङ प्रहरीले जनाएको छ।