आज एकै दिन ४ हजार बढी संक्रमित निको भए

गएको २४ घण्टामा नेपालमा ४ हजार भन्दा धेरै कोरोना संक्रमित निको भएका छन्।

यो अवधिमा ४ हजार २२ जना संक्रमित निको भएर डिस्चार्ज भएको स्वास्थ्य तथा जनसंख्या मन्त्रालयले जनाएको छ।

मन्त्रालयका अनुसार गत बिहीबार देखि आजसम्म १३ हजार ४ जना डिस्चार्ज भइसकेका छन्।

यस्तै हालसम्म ३ लाख २७ हजार ८७ जनाले कोरोनालाई जितेका छन्। नेपालमा निको हुने दर ७६.७ प्रतिशत रहेको मन्त्रालयले जनाएको छ।

नेपालमा आज ८ हजार ८५० जनामा संक्रमण पुष्टि भएको छ भने आजसम्म ३ लाख ९४ हजार ६६७ जनामा संक्रमण पुष्टि भएको छ।