समाज

Tata MotorsTata Motors

बागमती किनारमा हतारमा जलिरहेका शव (भिडिओसहित)

तस्बिर: सुजन श्रेष्ठ


प्रशान्त लामिछाने
काठमाडौं, बैशाख २०

पशुपति आर्यघाटसँगै बागमती किनारमा लहरै ८ वटा नयाँ चिता छन्।

कुनैमा शव जलिरहेका छन् त कुनैमा शव जलाउने तयारी गरिँदैछ। ती सबै चिता आजै नेपाली सेनाले तयार पारेको हो।

तर, यो आर्यघाटको कुनै नियमित दृष्य थिएन। ती शवलाई आफ्नो संस्कारअनुसार अन्तिम विदाई गर्न आफन्त चितासम्म आउन सक्ने अवस्था छैन। किनभने ती शव कोरोना संक्रमणका कारण मृत्यु भएकाहरुको हो। त्यसैले मृतकले पाउने प्रेम र सम्मान यी शवले पाएका छैनन्। 

Aryaghat deadbody 10

विद्युतीय शवदाहगृह प्रवेशद्वारमा फलामे गेट छ। त्यो गेट भित्र सेनाको शव वहान आफ्नै गतिमा प्रवेश गर्छ। गेटबाहिर मृतकका आफन्त र शुभचिन्तक मलिन मुद्रामा विदाईका लागि प्रतीक्षा गरेर बसेका छन्। सहज हुँदो हो त अन्तिम विदाईमा प्रियजनको शव छातीमा टाँसेर रुन कसको मन हुँदैन र?

सुरक्षित झोलाभित्र राखिएका शव गेटभित्र लहरै राखिएका छन्। पीपीई सेटमा रहेका शव व्यवस्थापन टोलीका सदस्य मृतकको नाम हेरेर आफन्तलाई बोलाउँछन्। आफन्तले गेट बाहिरबाट हात छिराएर पुष्पगुच्छा अर्पण गरेको दृष्यले जो सुकैको मन छियाछिया पार्छ।

यो समयको बाध्यता भनेर आफन्त चित्त बुझाउन बाध्य छन्।

Aryaghat deadbody 2

कोरोनाको पहिलो लहरको समयमा संक्रमणबाट मृत्यु हुनेको शव बाहिर अन्त्येष्टि गरिँदैनथ्यो। उपत्यकामा मृत्यु भएकाहरुको विद्युतीय शवदाहगृहमा अन्त्येष्टि हुन्थ्यो। तर दोस्रो लहरमा भने विद्युतीय शवदाह गृहका तीन वटा मेसिनले त्यसलाई धान्न सकेनन्। अनि बागमती किनारमै शव जलाउने बाध्यता बन्यो।

कोरोना महामारीको दोस्रो लहर सुरु भएपछि आर्यघाटमा नेपाली सेनाको टोलीले दैनिक १५ देखि २० वटासम्म शव अन्त्येष्टि गर्दै आएको छ।

किनारमा बनाइएका शवदाह स्थलले मात्र नपुगेर किनारको ढिस्कोमा नै शव जलाउनु पर्ने बाध्यता आएको पशुपति क्षेत्र विकास कोषले जनाएको छ।

Aryaghat deadbody 5

सोमबार बागमती किनारमा एकै पटक ८ वटा शवसम्म जलाइएको थियो। ८ वटा शव एकै पटक जलाउँदा पनि ४ वटा शव पालो कुरेर किनार पेटीमा राखिएको थियो।

नेपाली भनाइ नै छ- मर्दाको मलामी। तर अहिले त्यो अवस्था पनि छैन। महामारीका कारण मानिसहरु घाटसम्म मलामी बनेर जाने अवस्था पनि छैन।

कोरोना संक्रमणबाट मृत्यु हुनेको संख्या बढेसँगै सेनाको एउटै टोलीले एकै पटक ४ वटासम्म शव उठाउँदै आएको छ।

Aryaghat deadbody 8

कोरोना संक्रमणबाट मृत्यु हुनेको शव व्यवस्थापन नेपाली सेनाको उपत्यका पृतनाले गर्दै आएको छ। पृतनामा कोभिड डेथबडी म्यानेजमेन्ट डक्स बनाएर सेनाले काम गरिरहेको सैनिक प्रवक्ता सन्तोष बल्लभ पौडेलले बताए। उक्त टोलीमा दैनिक १५० सैनिक खटिरहेका छन्।

सेनाले कोरोना संक्रमण बढेसँगै देशभर वैशाख १६ गते ४९ जना, १७ गते ६१ जन र १८ गते ५५ जनाको शव व्यवस्थापन गरेको थियो। सोमबार ७ हजार ४ सय ४८ जना कोरोना संक्रमित भएको र ३७ जनाको स्वास्थ्य तथा जनसंख्या मन्त्रालयले जनाएको छ। 

थप तस्बिरहरु:

Aryaghat deadbody 1
Aryaghat deadbody 11
Aryaghat deadbody 12

भिडिओ सञ्जीव याेञ्जन 

यो पनिः कोरोनाको दोस्रो लहरसँगै आर्यघाटमा बढ्दै छन् हृदयविदारक दृश्यहरु

बैशाख २०, २०७८, सोमबार


प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin: info@nepalkhabar.com
News: news@nepalkhabar.com

विज्ञापनका लागि सम्पर्क

+977 9851081116
advertising@nepalkhabar.com

जीवन बस्नेत
अप्रेसन म्यानेजर
सुरेन्द्र रिजाल
निर्देशक, अटो संस्करण
सविन पोखरेल
लेखा प्रमुख
ललिता तामाङ
कार्यालय सहयोगी

नेपालखबर टीम


वरिष्ठ संवाददाता
दीपक भट्ट
उजिर कार्की
यज्ञराज जोशी

संवाददाता
लक्ष्मी जि.सी
सविन राई
बसन्त अर्याल

मल्टिमिडिया
सन्जिव योन्जन
सुजन श्रेष्ठ

प्रदेश प्रतिनिधि
वाशुदेव मिश्र (पोखरा)
शैलेन्द्र महतो (जनकपुर)
प्रकाश न्यौपाने (भैरहवा)
गोकुल जोशी (कञ्चनपुर)

ग्लोवल
सन्जय घिमिरे (टेक्सास)
प्रजय शुक्ल(लण्डन)
मगेन्द्र राई (हङकङ)
शैलेन्द्र समदर्शी (सिक्किम)

विशेष संवाददाता
मणि दाहाल
सागर न्यौपाने

उप–सम्पादक
खगेन्द्र गिरी
शैलज पौडेल
नवराज रेग्मी
रूपबहादुर विश्वकर्मा
विद्यानाथ अधिकारी

समाचार संयोजक
प्रशान्त लामिछाने

कार्यकारी सम्पादक
थिरलाल भुसाल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Website by Curves n' Colors