रूपन्देहीमा मंगलबार बिहान आफ्नो जीउमा आगो लगाउने युवकको मृत्यु भएको छ।
देवदह नगरपालिका वडा नम्बर ७, शीतलनगरस्थित क्वारेन्टिनमा गार्ड रहेका २४ वर्षीय विपिन बस्यालको मृत्यु भएको हो।
रूपन्देही जिल्ला प्रहरी कार्यालयका प्रवक्ता डीएसपी खड्कबहादुर खत्रीले नेपालखबरलाई दिएको जानकारीअनुसार स्थानीय देवदह मेडिकल कलेजमा उपचार हुन नसकेपछि गम्भीर अवस्थाका बस्याललाई पाल्पाको मिसन अस्पतालतर्फ लगिँदै थियो। ‘त्यही क्रममा बाटैमा बिहान ९ बजेर १० मिनेट जाँदा उनको मृत्यु भएको हो,’ उनले भने।
ती युवक देवदह नगरपालिका वडा न म्बर ५, मितेरी टोलका हुन्। उनी मानसिक रोगी तथा लागुऔषधका दुर्व्यसनी पनि थिए।
तर आगो लगाउनुको कारण खुल्न सकेको छैन। घटनाबारे अनुसन्धान भइरहेको डीएसपी खत्रीले जानकारी दिए।
यसअघिकाे खबर : रूपन्देहीमा क्वारेन्टिनमा गार्ड बसेका युवकले आफ्नो जीउमा आफैंले लगाए आगो
प्रतिक्रिया