युनिकोड
ओखलढुंगामा बस दुर्घटना हुँदा तीन जनाको मृत्यु भएको छ। घटनामा १७ जना घाइते भएका छन्।
काँकडभिट्टाबाट सोलुखुम्बु जाँदै गरैको मे १ ख १८९१ नम्बरको बस बुधबार बिहान साढे ३ बजे सिद्धिचरण राजमार्गमा पर्ने ओखलढुङ्गाको मानेभञ्ज्याङ गाउँपालिका–६ डडुवामा दुर्घटना भएको हो।
दुर्घटनामा बसका चालक झापा पत्थरी–८ का कृष्णबहादुर बस्नेत, सोलुखुम्बुको सोलुदूधकुण्ड नगरपालिका–५ की माया थापा र सिन्धुली कमलामाई नगरपालिकाका लालबहादुर धामीको घटनास्थलमै मृत्यु भएको प्रहरी निरीक्षक राजीब श्रेष्ठले जानकारी दिए।
गम्भीर घाइते पाँच जनालाई उपचारका लागि काठमाडौँ ल्याइएको छ।
बाँकी १२ जनाको उदयपुरको घुर्मीमा उपचार भइरहेको छ।
बस सडकबाट करिब २० मिटर तल खसेको छ।
प्रतिक्रिया