युनिकोड
सुरुवाती मापनमा काठमाडौँ उपत्यकाको न्यूनतम तापक्रम आज (बुधबार) पनि हिजो (मंगलबार) को जत्तिकै देखिएको छ।
मौसम पूर्वानुमान महाशाखाले नेपालखबरलाई दिएको जानकारीअनुसार आज बिहान ५:४५ बजे गरिएको मापनमा उपत्यकाको न्यूनतम तापक्रम ५.५ डिग्री सेल्सियस देखिएको हो।
हिजो पनि यो समय उपत्यकाको न्यूनतम तापक्रम यत्ति नै देखिएको थियो। यद्यपि पछि बिहान ८:४५ बजेको मापनमा काठमाडौँ उपत्यकाको न्यूनतम तापक्रम ४.९ डिग्री सेल्सियसमा झरेको थियो।
आजको आधिकारिक न्यूनतम तापक्रम पनि अहिले बिहान ८:४५ बजे नै आउँछ। त्यतिबेला न्यूनतम तापक्रम थप घट्ने सम्भावना हुन्छ।
सबैभन्दा तल झरेको तापक्रम न्यूनतम हुन्छ भने सबैभन्दा माथि चढेको तापक्रम अधिकतम तापक्रम हुन्छ।
मौसम महाशाखाले हरेक दिन बिहान ८:४५ बजे न्यूनतम र साँझ ५:४५ बजे अधिकतम तापक्रम मापन गर्छ।
काठमाडौँ उपत्यकाको न्यूनतम तापक्रम भने सुरुमा बिहान ५:४५ बजे पनि मापन गर्ने गर्छ।
यस्तो थियो मंगलबार काठमाडौँसहित देशका विभिन्न स्थानमा न्यूनतम र अधिकतम तापक्रम:
प्रतिक्रिया