युनिकोड
राष्ट्रिय स्वतन्त्र पार्टी (रास्वपा) ले संविधान दिवस (असोज ३ गते) का दिन जेनजी प्रदर्शनका क्रममा शाहदत प्राप्त सहिदहरूप्रति सम्मान व्यक्त गर्दै सबै जिल्ला, प्रदेश र केन्द्रीय कार्यालयमा श्रद्धाञ्जली कार्यक्रम गर्ने भएको छ।
रास्वपाको आज बसेको केन्द्रीय समितिको भर्चुअल बैठकले सो निर्णय गरेको प्रवक्ता मनीष झाले जनाएका छन्।
बैठकले भदौ २३ र २४ गते जेनजी प्रदर्शनका क्रममा ज्यान गुमाउने मृतकहरूको सम्मानमा असोज १ गते शोक दिवसका रूपमा मनाउन पार्टी कार्यालयमा बिदा दिने तथा कार्यालयमा राष्ट्रिय र पार्टीको झण्डा आधा झुकाउने निर्णय पनि गरेको छ।
रास्वपाले आन्दोलनका क्रममा क्षति भएका सार्वजनिक संरचना क्षेत्र सफाई एवं पुनःनिर्माणमा सघाउन कार्यकर्ताहरूलाई निर्देशन दिएको छ।
यस्तै, असोज २ गतेदेखि पार्टी गतिविधि नियमित सुचारु गर्ने पनि जनाएको छ।
प्रतिक्रिया