युनिकोड
नेपाल मेडिसिटी अस्पतालमा पहिलोपटक कलेजोको सफल प्रत्यारोपण गरिएको छ।
कास्कीको पोखरा निवासी ५६ वर्षीय ईश्वरबहादुर कार्कीको कलेजो प्रत्यारोपण गरिएको अस्पतालले बिहीबार पत्रकार सम्मेलन गरेर जानकारी दिएको हो।
कार्कीलाई उनलाई उनका २६ वर्षीय छोरा आयुष कलेजो दान गरेका हुन्। प्रत्यारोपण गर्दा कलेजो दाता (डोनर) को झण्डै ९ घण्टा र कलेजो प्राप्तकर्ता (रिसिभर) को १३ घण्टा लागेको थियो। 
भारतको अमृता अस्पतालसंग सहकार्यगरी नेपाल मेडिसिटीका चिकित्सकहरुको नेतृत्वमा सफलतापूर्वक प्रत्यारोपण गरिएको बताएको छ।
‘नेपाल मेडिसिटीमा कलेजो प्रत्यारोपण पहिलो पटक भएको छ’, अस्पतालका अध्यक्ष डा. उपेन्द्र महत्तोले भने, ‘हामीसँग मल्टिडिसिप्लिनरी टिम भएका कारण जटिल शल्यक्रिया सम्भव भएको हो।’
नेपालमा यसअघि निजी अस्पतालतर्फ किष्ट मेडिकल कलेज र चितवन मेडिकल कलेजले गरेका छन्। त्यस्तै सरकारीतर्फ त्रिवि शिक्षण अस्पताल र मानव अंग प्रत्यारोपणा केन्द्रमा कलेजोको सफल प्रत्यारोपण भइसकेको छ।
प्रतिक्रिया