युनिकोड
पर्साबाट भारी परिमाणमा लागुऔषधसहित पक्राउ परेका एक जनालाई प्रहरीले सार्वजनिक गरेको छ।
४८९ केजी लागुऔषधसहित पटेर्वासुगौली गाउँपालिकाबाट पक्राउ परेका एक जनालाई प्रहरीले सार्वजनिक गरेको हो।
जिल्ला प्रहरी कार्यालय पर्साले शुक्रबार पत्रकार सम्मेलन पक्राउ पर्ने कालिकामाई गाउँपालिका वडा नम्बर १ मुडली बस्ने ४० वर्षका फुलसरिफ मिँया रहेको बताएको छ।
पर्सा प्रहरी उपरीक्षक कुमोध ढुंगेलले प्रहरी कार्यालयबाट खटिएको विशेष टोलीले विभिन्न किसिमको लागुऔषधहरु ठूलो परिणामा खरिद बिक्री भइरहेको विशेष सूचनाको आधारमा गएराति गाउँपालिकाको वडा नम्बर ४ अकवा गाउँको बासँघारीबाट लागुऔषधसहित उनलाई पक्राउ गरेको बताए।
उनलाई जाँच गर्दा ठूलो परिमाणमा लागुऔषध बरामद भएको प्रहरीको भनाइ छ। शुरुमा उनको साथबाट ३० केजी लागुऔषध गाँजा फेला परेको थियो।
उनले दिएको बयानको आधारमा बासँघारीमा खाल्डो खनी बोराभित्र लुकाएर राखेको अवस्थामा चरेश र गाँजाको धुलो अर्थात पोल्याण्ड समेत बरामद भएको प्रहरी उपरीक्षक ढुंगेल जानकारी दिए।
बोराभित्रबाट थप १९२ केजी चरेस र २६७ केजी पोल्याण्ड समेत भेटिएको प्रहरीले बताएको छ। पक्राउ परेकामाथि लागुऔषधसम्बन्धि मुद्दा दर्ता गरी आवश्यक अनुसन्धान भइरहेको जिल्ला प्रहरी कार्यालय पर्साले जानकारी दिएको छ।
त्यसैगरी पर्सा प्रहरीले साउन महिनादेखि हालसम्म ८ करोड ३० लाख ३० हजार २६७ रुपैयाँ बराबरको विभिन्न माल समान अवैध तरिकाले भन्सार छली ल्याइएको समान पक्राउ गरेको छ।
सो महिनामा २६ वटा पुराना मुद्दा फछ्र्यौट गरेको, सामुदायिक प्रहरी साझेदारी अन्तर्गत १२७ वटा सचेतना मुलक कार्यक्रम गरेको, दुई हजार ६ सय ३८ वटा ट्राफिक कारबाही गरेको, एकाइस लाख १३ हजार एक रुपैयाँ ट्राफिक कारबाहीबाट राजश्व संकलन गरेको र ३० जनालाई भिनिन्न लागुऔषधसहित पक्राउ गरेको प्रहरीले बताएको छ।
जसमा २६ जना पुरुष सहित ४ जना महिला रहेको प्रहरी उपरीक्षक ढुंगेलले जनाकारी दिए।
पर्सा प्रहरीले गत २५ गते वीरगंजको वडा नम्बर ६ रेल्वे रोडबाट करिव ४ करोड ४६ लाख मूल्य बाराबरको ४६ कार्टुन इलोक्ट्रोनिक चुरोट (भेप) बरामद गरी राजश्व कार्यालय पथलैया बारा पठाएको थियो।
प्रतिक्रिया