युनिकोड
ललितपुरमा चोरीको सामानसहित दुई जना व्यक्ति पक्राउ परेका छन्।
पक्राउ पर्नेमा सिन्धुपालचोकको ईन्द्रावती नगरपालिका–९ फटकसिला स्थायी घर भई हाल ललितपुरको महालक्ष्मी नगरपालिका४ ईमाडोल बस्ने वर्ष २५ को अनिल बराईली र मंगलबजार बस्ने शिवली ज्वेर्लसका संचालक वर्ष ५४ को राजन शाक्य रहेका छन्।
प्रहरीका अनुसार गत पुस २८ गते ईमाडोलमा शम्भु विश्वकर्माले सञ्चालन गर्दै आएको स्नेहा सिल्भर कारखानामा रहेको स्टिलको दराजभित्र रहेको चाँदी ३ किलो २०७.६ ग्राम (२७५ तोला) तौल बराबरको ३ ढिका चाँदीहरु चोरी भएको थियो।
उक्त कारखानाका संचालक शम्भु विश्वकर्माले माघ ७ गते प्रहरी बृत सातदोबाटोमा खबर गरे पश्चात तत्काल प्रहरी उल्लेखित स्थानमा खटि गई अनुसन्धान गर्ने क्रममा सोही कारखानाका पूर्वकर्मचारी अनिल बराईलीले दराजमा रहेको चाँदी चोरी गरेको खुल्न आएको प्रहरीले जनएको छ।
उनलाई नियन्त्रणमा लिई सोधपुछ गर्ने क्रममा चोरी गरेको चाँदी ललितपुर मंगलबजारस्थित रहेको शिवली ज्वेलर्समा ३ लाख ३० हजारमा बिक्री गरेको खुल्न आएको छ।
प्रहरीले चोरीका गहना खरिद गर्ने शिवली ज्वलर्सका संचालक राजन शाक्यसमेतलाई पक्राउ गरी जिल्ला अदालत ललितपुरबाट ५ दिनको म्याद थप गरी बिस्तृत अनुसन्धान कार्य भईरहेको प्रहरीले जनाएकाृ छ।
प्रतिक्रिया