युनिकोड
पाँच वर्षीया बालिका बलात्कार अभियोगमा पुर्पक्षका लागि थुनामा रहेका तनहुँको व्यास नगरपालिका-७ का नवीन थापालाई जिल्ला अदालत (तनहुँ)ले जन्मकैद फैसला गरेको छ।
न्यायाधीश दुर्गाप्रसाद ढुङ्गेलको एकल इजलासले बुधबार अभियुक्त थापालाई जन्मकैदको फैसला गरेको हो। बालिकालाई बलात्कार गरेको अभियोगमा थापालाई जन्मकैदको सजायसहित पीडित बालिकालाई ४ लाख क्षतिपूर्ति दिलाउने फैसला भएको जिल्ला अदालतका श्रेस्तेदार सुदर्शन खनालले जानकारी दिए।
बालिकालाई क्षतिपूर्तिबापतको जरिवाना अभियुक्त थापाबाट नै भराउने अदालतको फैसला छ।
गत साउन १ गते बालिकालाई बलात्कार गरेको अभियोगमा थापा साउन २ गते पक्राउ परेका थिए। उनी साउन २४ गतेदेखि पुर्पक्षका लागि जिल्ला कारागारमा छन्।
प्रतिक्रिया