सप्तरी जिल्ला प्रहरी कार्यालयले स्रोत नखुलेको ९ लाख ९० हजार रुपैयाँसहित दुई जनालाई शुक्रबार पक्राउ गरेको छ।
पक्राउ पर्नेमा सप्तरीको डाक्नेश्वरी नगरपालिका–५ बस्ने २९ वर्षीय राजेशकुमार चौधरी र शम्भुनाथ नगरपालिका–१२ बस्ने २४ वर्षीय दिलिपकुमार मण्डल रहेको प्रहरी नायब उपरीक्षक माधवप्रसाद काफ्लेले बताए।
राजविराज नगरपालिका–५ मा प्रदेश नं २–०१–००३ प ३४७८ नम्बरको मोटरसाइकल जाँच गर्दा रकमसहित चौधरी र मण्डललाई पक्राउ गरिएको प्रहरीले जनाएको छ। दुवै जनालाई उक्त रकम र मोटरसाइकलसहित आवश्यक कारबाहीका लागि राजश्व अनुसन्धान कार्यालय (सुनसरी) पठाइएको काफ्लेले जानकारी दिए। रासस
171
Shares
प्रतिक्रिया