युनिकोड
रुपन्देहरुमा प्रहरीले करिब ७ लाख रुपैयाँ बराबरको पटाका बरामद गरेको छ।
जिल्ला प्रहरी कार्यालय रुपन्देही र मातहतका अन्य प्रहरी इकाइहरुले विभिन्न ठाउँबाट ६ लाख ८८ हजार ७ सय ६६ रुपैयाँ बराबरको पटाका बरामद गरेको हो।
जिल्ला प्रहरी कार्यालय रुपन्देहीले मात्रै १ लाख २६ हजार रुपैयाँ बराबरको पटाका बरामद गरेको थियाे।
त्यस्तै बेलहिया, मंगलापुर, लुम्बिनी र मर्चवारका इलाका प्रहरी कार्यालय तथा मेउडीहवा, मैनहिया, खैरेनी, गुलरीया, कालिदह र मर्यादपुर प्रहरी चौकीले आ आफ्नो ठाउँबाट पटाका बरामद गरेको रुपन्देहीका प्रहरी प्रवक्ता डिएसपी सत्यनारायण थापाले जानकारी दिए।
बरामद पटाकालाई आज पत्रकार र स्थानीयको रोहबरमा खाडल खनि नष्ट गरिएको उनले बताए।
प्रतिक्रिया