युनिकोड
गत वैशाखदेखि अहिलेसम्म विपदजन्य घटनामा परेर ३५३ जनाको मृत्यु भएको छ ८० जना बेपत्ता भएका छन्।
राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार यस अवधिमा सबैभन्दा बढी पहिरामा परेर १६१ जनाले ज्यान गुमाएका छन्।
त्यसपछि बाढीबाट ५२ र चट्याङ लागेर ४९ जनाको मृत्यु भएको छ भने भारी वर्षाले १८, सर्पले टोकेर २०, आगलागीबाट १८, जनावरको आक्रमणबाट २८, डढेलो, हावाहुरी र महमारीबाट ७ जनाको मृत्यु भएको तथ्यांकमा उल्लेख छ।
यस्तै बेपत्ता ८० जनामध्ये पहिरामा ४२ र बाढीमा परेर ३७ जना हराइरहेका छन्।
राष्ट्रिय विपद् जोखिम न्यूनीकरण तथा व्यवस्थापन प्राधिकरणको तथ्यांकअनुसार वैशाखयता २ हजार ९० वटा विपद्का घटना भएका छन्। जसमा १ हजार २८४ जना घाइते भएका छन्। विपदका कारण ३ हजार ४४३ घरपरिवार पीडामा परेका भने अर्ब रुपैयाँभन्दा बढीको क्षति भएको छ।
मनसुन गइसकेपछिको वर्षाका कारण मात्रै १११ जनाको मृत्यु भएको छ भने ३५ जना हराइरहेका छन्।
प्रतिक्रिया