युनिकोड
मुगु बस दुर्घटनामा मृत्यु हुनेको संख्या २८ पुगेको छ।
मंगलबार नेपालगन्जबाट मुगु गइरहेको बस जिल्ला प्रवेश गरेलगत्तै छायाँनाथ रारा नगरपालिका ७ मा भीरबाट मंगलबार खसेको थियो।
दुर्घटनामा परी मृत्यु भएका २८ जनाको शव निकालिएको मुगुका प्रमुख जिल्ला अधिकारी रोमनाथ महतले जानकारी दिए।
प्रजिअ महतका अनुसार १५ जना गम्भीर घाइतेलाई हेलिकोप्टर र हवाइ जहाजबाट नेपालगञ्ज पठाइएको छ भने एक जनाको स्थानीय अस्पतालमा उपचार भइरहेको छ।
‘अहिलेसम्म २८ जनाको शव फेला परेको छ। प्रजिअ महतले नेपाल खबरसँग भने, ‘गम्भीर घाइते १५ जनालाई हेलिकोप्टर र हवाइ जहाजमार्फत नेपालगञ्ज पठाइएको छ। खोजी कार्य जारी छ’ ’
घाइतेको उद्धारका लागि प्रमुख जिल्ला अधिकारी रोमबहादुर महतका साथै सबै सुरक्षा निकायका प्रमुखहरु खटिएका छन।
बाँकेको नेपालगञ्जबाट मुगुको गमगढीका लागि छुटेको यात्रुवाहक बस वडा नम्बर ७ र ८ को सीमामा पर्ने घ्यारीखोलामा दुर्घटनामा परेको हो।
छायानाथ रारा नगरकी उपप्रमुख सुन्तला रोकायाका अनुसार नेपालगञ्जबाट ७० जना यात्रु बोकेर बस गमगढीका लागि छुटेको थियो।
प्रतिक्रिया