काठमाडौंमा ९९९ सहित देशभर ३ हजार ४२१ संक्रमित थपिए

गएको २४ घण्टामा नेपालमा ३ हजार ४२१ संक्रमित थपिएका छन्। 

१७ हजार २७२ जनामा परीक्षण गर्दा सो संख्यामा संक्रमित फेला परेका हुन्।

यो अवधिमा १ हजार ६६८ जना निको भएका छन्। 

आज २५ जनाको मृत्यु भएको स्वास्थ्य तथा जनसंख्या मन्त्रालयले जनाएको छ। यो सहित कोरोनाका कारण ज्यान गुमाउनेको संख्या ९ हजार ७३८ पुगेको छ। 

आज काठमाडौं उपत्यकामा ९९९ जना संक्रमित फेला परेका छन्। जसमा काठमाडौंमा ६७७, ललितपुरमा १९७ र भक्तपुरमा १२५ जना रहेका छन्।