भारतको हिमालचल प्रदेशस्थित किन्नौरमा आइतबार अपराह्न गएको चट्टानी पहिरोमा परी ९ जनाको मृत्यु भएको छ।
भारतीय सञ्चारमाध्यमले जनाएअनुसार घटनामा ३ जना घाइते भएका छन्। उनीहरूको अवस्था पनि गम्भीर रहेको बताइएको छ।
पहाड घुम्न गाडीमा गएका पर्यटक पहिरोमा परेका हुन्। चालकसमेत गाडीमा रहेका ११ जनामध्ये ९ जनाको मृत्यु भएको हो। त्यसमा राजस्थानका मात्रै ४, छत्तीसगढका २, महाराष्ट्र, दिल्ली र पञ्जाबका १/१ जना छन्।
मृतकमा एकै परिवारका ३ जना
पहिरोमा परी मृत्यु भएकामा एकै परिवारका ३ जना पनि छन्।
भारतीय सञ्चारमाध्यमका अनुसार राजस्थानस्थित सिकर निवासी अनुराग बियाणी, उनका आमा देवयानी र बहिनी रिचाको मृत्यु भएको हो। ३१ वर्षीय अनुराग बम्बईस्थित कम्पनीमा सेक्रेटरी थिए।
भारतको हिमाञ्चल प्रदेशमा गएको चट्टानी पहिरोको त्रासदीपूर्ण भिडिओ। pic.twitter.com/7SkbPGJfM0
— Nepalkhabar (@Nepalkhabar24) July 25, 2021
Shares
प्रतिक्रिया