फिलिपिन्सको एउटा सैनिक विमान हवाई मैदानमा अवतरण गर्नेक्रममा दुर्घटनाग्रस्त हुँदा मृत्यु हुनेको संख्या २९ पुगेको छ।
सीएनएनका अनुसार हालसम्म २९ जनाको मृत्यु हुँदा ५० जनाको जिवित्तै उद्धार गरिएको छ।
९२ जना सवार विमान दुर्घटनामा परेको हो। १३ जनाको अवस्थाको बारेमा हालसम्म केही बताइएको छैन।
सुलु प्रान्तको जोलो द्वीपस्थित विमानस्थलमा अवतरण गर्नेक्रममा नजिकैको आवासीय क्षेत्रमा आइतबार विमान दुर्घटनाग्रस्त भएको रक्षा सचिव डेल्फिन लोरेन्जानाले बताएका छन्।
स्थानीय सञ्चार माध्यमले खिचेका तस्बिरमा दुर्घटनाग्रस्त विमानमा भुँइमा बजारिएसँगै आगलागी भएको देखिएको छ। विमान दुर्घटनाग्रस्त भएको नजिकै घरहरु माथि बाक्लो कालो धुँवा देखिएको छ।
Shares
प्रतिक्रिया