चिनियाँ प्रविधिः दश मिनेटको चार्जले तीन सय किलोमिटरको दुरी पार

चिनियाँ खोजकर्ताले हाई इनर्जी लिथियम–आयन ब्याट्री ‘एलआइबी’ प्रविधिको विकास गरेका छन्।

यस प्रविधिमार्फत ब्याट्री दश मिनेट चार्जगर्दा ३ सय किलोमिटरको दुरी पार गर्न सकिनेछ।
सिन्ह्वाका अनुसार विशेषत यस ब्याट्री सवारी साधनमा प्रयोग गर्न सकिनेछ।

गत मंगलबार चीनको हाङजाउमा ५०–केडब्लुएच ब्याट्री प्याकसहितको कार सार्वजनिक गर्दै चिनियाँ वैज्ञानिकले एलआइबी प्रविधिको प्रयोगमा कारको ब्याट्री चाँडो चार्ज गर्न सकिने र ब्याट्री थोरै समय चार्जगर्दा समेत टाढाको यात्रा तय गर्न सकिने बताएका थिए।

हुनान विश्वविद्यालयका प्राध्यापक तथा जेजियाङ फोल्टा टेक्नोलोजीका वैज्ञानिक झाओ साओपिङले भने,‘चाँडो ब्याट्री चार्ज गर्न सकिने प्रविधिको मुख्य कारण भनेको लिथियम–आयनको विकास हो।’