युनिकोड
भारतीय अन्तरिक्ष अनुसन्धान संस्था (इसरो) ले आज सोमबार अपराह्न २ बजेर ४३ मिनेटमा चन्द्रयान–२ को प्रक्षेपण गरिने जनाएको छ।
आन्ध्र प्रदेशको श्रीहरिकोटाबाट उक्त यान प्रक्षेपणको तयारी गरिएको इसरोले जनाएको छ। चन्द्रयान २ अभियान भारतको अन्तरिक्षयान चन्द्रमामा पठाउने महत्वकाँक्षी योजना हो।
भारतले चन्द्रमामा भूउपग्रह अवतरण गराउने महत्वाकाँक्षी अभियान सफल बनाउन केही वर्षदेखि प्रयास गरिरहेको छ।
रुस, संयुक्तराज्य अमेरिका र चीनले यस्तो सफलता प्राप्त गरिसकेका छन्। भारतले यस परियोजनामा करिब १४ करोड अमेरिकी डलर खर्चिएको छ।
एएफपीका अनुसार अन्तरिक्ष विज्ञानका क्षेत्रमा भारतको यो अभियान हालसम्मकै सबैभन्दा सस्तो मानिएको छ।
संयुक्त राज्य अमेरिकाले यस्तै अभियानका लागि करिब २५ अर्ब डलर अर्थात् आजको मूल्यमा १०० अर्बभन्दा बढी खर्च गरेको थियो।
अमेरिकाले सन् १९६० र ७० को दशकमा चन्द्रमाका लागि १५ वटा अपोलो अभियान सञ्चालन गरेको थियो।
प्रतिक्रिया