विशेष अदालतले पूर्वउपप्रधानमन्त्री विजय गच्छदारको घरमै पुगी बालुवाटारको ललितानिवासस्थित जग्गा प्रकरणका सम्बन्धमा म्याद टाँस गरेको छ।
विशेष अदालतका उपरजिष्ट्रार तथा प्रवक्ता पुष्पराज पाण्डेयले उनको घरमा मान्छे फेला नपरेकाले घरको दैलोमा टाँस गरिएको बताए।
‘म्याद टाँस गरिएको मितिले १५ दिन भित्रमा आउनुपर्छ र बयान दिनुपर्छ,’ उनले भने, ‘थप १५ दिन थमौतिको म्याद गरेर ३० दिन भित्रमा उहाँ आएर बयान नदिए फैसला हुन्छ।’
अदालत कर्मचारीले सुनसरीस्थित उनको घरमा फागुन २३ गते म्याद टाँस गरेका हुन्।
ललिता निवासको १ सय १३ रोपनी सरकारी जग्गा व्यक्तिको नाममा बनाई हिनामिना गरेको आरोपमा अख्तियार दुरुपयोग अनुसन्धान आयोगले गतवर्ष माघमा विशेष अदालतमा १ सय ७५ जनाविरुद्ध मुद्दा दायर गरेको छ।
त्यसमा पूर्वमन्त्रीहरु, उच्चअधिकारी लगायतलाई अभियुक्त बनाइएको छ।
प्रतिक्रिया