नेकपा एमालेका नेता भीम रावलले प्रधानमन्त्री केपी शर्मा ओलीलाई पदमुक्त गर्न आफूहरुले सांसद पदबाट राजीनामा दिनुपर्ने बताएका छन्।
बुधबार सामाजिक सञ्जाल ट्वीटमार्फत् उनले सो जानकारी गराएका हुन्।
उनले प्रधानमन्त्री केपी शर्मा ओलीलाई पदमुक्त गर्न जरुरी भएकाले आफूहरुले राजीनामा गर्न लागेको बताए।
‘असाधारण समस्याको समाधान गर्न असाधारण पाइला चाहिन्छ,’ रावलले लेखेका छन्, ‘थप राष्ट्रिय हित, पार्टी विधान विपरीत र अलोकतान्त्रिक कार्य गर्नबाट प्रधानमन्त्री केपीलाई रोक्न पदमुक्त गर्नु आवश्यक छ। त्यसका लागि हामीले सांसद पदबाट राजीनामा गरी स्थिति निर्माण गर्नुपर्छ। यो राजनीतिक नैतिकता र कानूनी दृष्टिले धेरै उचित छ।’
माधव नेपाल पक्षमा रहेका नेता रावलले सामूहिक राजीनामा दिनुपर्ने समेत बताएका छन्।
सोमबार संसदमा प्रधानमन्त्रीलाई विश्वासको मत दिने प्रस्तावमाथि भएको मतदानमा नेपालपक्षीय २८ सांसदले बहिस्कार गरेका थिए। सो प्रस्तावका पक्षमा बहुमत नपुगेपछि अस्वीकृत भएको थियो।
असाधारण समस्याको समाधान गर्न असाधारण पाइला चाहिन्छ।थप राष्ट्रिय हित,पार्टी विधान विपरीत र अलोकतान्त्रिक कार्य गर्नबाट प्रमं केपीलाई रोक्न पदमुक्त गर्नु आवश्यक छ।त्यसका लागि हामीले सांसद पदबाट राजीनामा गरी स्थिति निर्माण गर्नुपर्छ।यो राजनीतिक नैतिकता र कानूनी दृष्टिले धेरै उचित छ।
आजै सोहि समूहका अर्का नेता घनश्याम भूसालले पनि सांसद पदबाट राजीनामा गर्ने संकेत गरेका थिए।
उनले अहिले पार्टी अध्यक्ष तथा प्रधानमन्त्री ओलीसँग भइरहेको संघर्षमा आत्मसमर्पण नगर्ने बरु विद्रोह गर्ने बताएर राजीनामाको संकेत गरेका हुन्।
‘विद्रोहले क्रान्तिमा योगदान गर्छ कि गर्दैन भन्ने विषयमा इतिहासमा ठूलो विवाद छ,’ उनले भूसालले आजै सामाजिक सञ्जालमा लेखेका छन्, ‘तर आत्मसमर्पण क्रान्तिप्रति गद्दारी हो भन्ने कुरा हामीलाई राम्ररी थाहा छ।’
— Bhim Rawal, PhD (@BhimRawal179) May 12, 2021
प्रतिक्रिया