युनिकोड
सङ्घीय संसद्को संसदीय सुनुवाइ समिति र राज्यका निर्देशक सिद्धान्त, नीति र दायित्वको कार्यान्वयन, अनुगमन तथा मूल्याङ्कन समितिमा राष्ट्रिय सभाको तर्फबाट ६ सदस्य मनोनित भएका छन्।
सङ्घीय संसद्को संयुक्त बैठक र संयुक्त समिति (कार्य सञ्चालन) नियमावलीअनुसार दुवै समितिमा रहने सदस्यको मनोनयन गरिएको सङ्घीय संसद् सचिवालयले जनाएको छ। सचिवालयका अनुसार संसदीय सुनवाइ समितिमा आनन्दप्रसाद ढुङ्गाना, नरबहादुर विष्ट र प्रेमप्रसाद दङ्गाल मनोनित भएका छन्।
यस्तै, अनुगमन तथा मूल्याङ्कन समितिमा किरणबाबु श्रेष्ठ, मदन कुमारी शाह (गरिमा) र डा. अञ्जान शाक्य मनोनित भएको संसद् सचिवालयले जनाएको छ।
दुवै समितिमा प्रतिनिधि सभा र राष्ट्रिय सभाबाट सदस्य मनोनयन हुने व्यवस्था छ। प्रतिनिधि सभाबाट दुई दिनअघि नै मनोनित भएका थिए।
प्रतिक्रिया