युनिकोड
राष्ट्रिय स्वतन्त्र पार्टीले नवनिर्वाचित प्रतिनिधिसभा सदस्यहरूलाई आज (मंगलबार) देखि अभिमुखीकरण प्रशिक्षण दिँदै छ।
अभिमुखीकरण कार्यक्रम अहिले बिहान ९ बजे ललितपुरको ग्वार्कोस्थित रोयल टुलिप होटलमा सुरु हुने रास्वपाका महामन्त्री कविन्द्र बुर्लाकोटीले जानकारी दिए।
अभिमुखीकरणमा पार्टीका सभापति रवि लामिछाने, उपसभापतिद्वय डोलप्रसाद अर्याल (डीपी) र स्वर्णिम वाग्ले तथा महामन्त्री बुर्लाकोटीलगायत केही आगन्तुक प्रशिक्षकले प्रशिक्षण दिनेछन्।
महामन्त्री बुर्लाकोटीले अभिमुखीकरण प्रशिक्षण कार्यक्रममा सहभागी हुने सांसदका निर्देशन पनि जारी गरेका छन्।
उनका अनुसार प्रशिक्षण आवसीय हुनेछ भने कार्यक्रम हलमा सहभागी हुने सांसदले मोबाइल प्रयोग गर्ने पाउने छैनन्।
‘कार्यक्रम हलमा मोबाइल फोन प्रयोग निषेध हुनेछ,’ उनले जारी गरेको सूचनाको दोस्रो नम्बरमा उल्लेख छ।
त्यस्तै कार्यक्रम स्थलमा अन्य व्यक्ति वा पाहुनाका लागि पनि निषेध गरिएको छ। परिवारका सदस्य, साथी वा अन्यलाई पनि कार्यक्रम भएको होटलमा नबोलाउन रास्वपाले निर्देशन जारी गरेको छ।
सांसदहरूले कार्यक्रम स्थलमा परिवारका सदस्य वा अन्य व्यक्तिसँग भेटघाट र फोटो खिच्नसमेत पाउने निषेध गरिएको छ।
प्रतिक्रिया