युनिकोड
प्रतिनिधिसभा निर्वाचन अन्तर्गत सर्लाही क्षेत्र नम्बर ४ मा राष्ट्रिय स्वतन्त्र पार्टी (रास्वपा) का उम्मेदवार अमरेशकुमार सिंहले मतान्तरलाई अझ बढाएका छन्।
निर्वाचन आयोगले सार्वजनिक गरेको पछिल्लो विवरणअनुसार रास्वपाका सिंहले ११ हजार ३८३ मत पाउँदा नेपाली कांग्रेसका सभापति गगन थापाले ६ हजार ९५२ मत मात्रै पाएका छन्।
थापा सुरुदेखि नै सिंहसँग पछाडि परेका छन्। उनीहरूबीचको मतान्तर झन् फराकिलो हुँदै गएको छ। अहिले सिंह र थापाबीचको मतान्तर ४४ सय ३१ छ। अघिल्लो परिणाममा उनीहरूबीचको मतान्तर ३२ सय ९ थियो।
यो क्षेत्रमा एमालेका अमनिशकुमार यादवले १९ सय ६७ मत ल्याउँदा नेकपाका डा.रजनिश रायले ४८९ मत ल्याएका छन्।
सर्लाही ४ को मतगणना गोडैता बजारस्थित बेणी भोला नमूना माध्यमिक विद्यालय गोडैतामा जारी चलिरहेको छ।
सर्लाही ४ मा एक लाख २१ हजार १२ मतदातामध्ये ७७ हजार ९३१ मत खसेको निर्वाचन अधिकृतको कार्यालयले जनाएको छ।
प्रतिक्रिया