निर्वाचनका लागि १२० दलको निवेदन

आगामी फागुन २१ गते हुने प्रतिनिधि सभा सदस्य निर्वाचनका लागि एक सय २० दलले निवेदन दिएका छन्।

निर्वाचन आयोगले मंसिर १ देखि १० गतेसम्म निवेदनको समय दिइएको थियो। त्यसपछि आयोगले चार दिन समय थपेको थियो। थपिएको समय पनि आज सकिएको हो। 

आजसम्म एकल निर्वाचन चिह्नको प्रयोग गर्नेसमेत गरी एक सय २० राजनीतिक दलले निवेदन दिएको आयोगका प्रवक्ता नारायणप्रसाद भट्टराईले बताए। निवेदनमाथि जाँचबुझ गरी मंसिर २० गतेभित्र आयोगबाट स्वीकृति दिइने उनले जानकारी दिए।