युनिकोड
नेकपा (माओवादी केन्द्र) का उपाध्यक्ष नारायणकाजी श्रेष्ठले चेकमा गलत रकम लेखेकै आधारमा चेक अनादरको मुद्दा दर्ता नहुने बताएका छन्।
बुधबार राष्ट्रियसभाअन्तर्गतको विधायन व्यवस्थापन समितिको बैठकमा उनले चेकमा गलत रकम लेखिएको छ भने सच्याउनका लागि समय तोकिएको बताए। गलत भएका चेक ३० दिनभित्र सच्याउनुपर्ने कानुनी व्यवस्था रहेको उनको भनाइ छ।
‘चेकमा गलत एमाउन्ट लेखेकै कारणले चेक अनादरमा पर्दैन। चेक अनादर दर्ता हुनलाई ३० दिनको जो समय छ त्यो कुराले काउन्ट गर्छ,' उनले भने, 'त्यसकारण गल्ती छ भने त्यो समयमा सँच्चिहाल्छ।’
उपाध्यक्ष श्रेष्ठले चेक अनादरमा जरिवाना गर्ने नगर्ने लगायतका विषयमा कानुनी व्यवस्था भइसकेको बताए।
प्रतिक्रिया