युनिकोड
प्रतिपक्षी दलहरूले सरकारलाई आगामी कात्तिक ५ गते ज्ञापन पत्र बुझाउने निर्णय गरेको छ। शुक्रबार संघीय संसद् भवन नयाँ बानेश्वरमा बसको विपक्षी दलहरूको बैठकले यस्तो निर्णय गरेको सहभागी एक नेताले नेपालखबरलाई जानकारी दिए।
उनका अनुसार पछिल्लो राजनीतिक घटनाक्रम र बाढीपहिरो लगायतका विषयमा विभिन्न सुझाव संकलन गरेर सरकारलाई ज्ञापन पत्र बुझाउने निर्णय भएको हो।
बाढीपहिरो पीडितलाई राहत तथा उद्धारमा भएको ढिलाइबारे प्रश्न गर्दै ज्ञापन पत्र बुझाउने तयारी विपक्षी दलहरूको छ।
‘आगामी कात्तिक ५ गते प्रतिपक्षी दलका नेताहरूले प्रधानमन्त्रीलाई भेटेर ज्ञापन पत्र बुझाउने निर्णय भएको छ,’ ती नेताले भने।
त्यस्तै, संसद्को विशेष अधिवेशनबारे पनि आजको बैठकमा छलफल भएको छ।
प्रतिक्रिया