NepalKhabar NepalKhabar

राजनीति


गठबन्धनमा चाहेजति सिट नपाए पनि चित्त बुझाउनुपर्छ : धनराज

गठबन्धनमा चाहेजति सिट नपाए पनि चित्त बुझाउनुपर्छ : धनराज

नेपालखबर
साउन ३१ , काठमाडौँ

नेपाली कांग्रेसका उपसभापति धनराज गुरुङले पार्टीले गरेको प्रतिवद्धताअनुसार अगाडि बढ्ने क्रममा सिट बाँडफाँटमा चाहेअनुसार नभए पनि चित्त बुझाउनुपर्ने बताएका छन्। 

निर्वाचन प्रयोजनका लागि दल दर्ताका क्रममा सञ्चारकर्मीसँगको कुराकानीमा उनले कांग्रेसले अधिकतम सिट चाहे पनि केही कम हुँदा चित्त बुझाउनुपर्ने बताएका हुन्। 

‘खोज्ने अधिकतम हो तर सबैलाई समेटेर जाने, नेतृत्व गर्ने पार्टीले सबैमा आफैँ मात्र लड्ने हो भने किन तालमेलको कुरो आउँथ्यो र?,’ उपसभापति गुरुङले प्रश्न गर्दै भने, ‘तालमेल गरेर जाने, सहअस्तित्व स्वीकार गर्ने, सहमति–सहकार्यका साथ अगाडि बढ्ने जुन प्रतिवद्धता जाहेर गरेका छौँ त्यो प्रतिवद्धता बमोजिम अगाडि बढ्नका लागि सबैलाई समेटेर जाँदा कमबेसीमा पनि चित्त बुझाउनु पर्छ।’   

उनले सत्ता साझेदार दल नेकपा माओवादी केन्द्रको चुनाव चिह्नबाट अन्य दलका नेताहरु चुनाव लड्दा भागबण्डामा कुनै असर नपर्ने पनि बताए।

‘भागबण्डामा खास असर पार्दैन। शेयरिङमा यसले कुनै असर पार्दैन। सहमति भएबमोजिम सिट बाँडफाँट हुन्छ,’ पूर्वप्रधानमन्त्री डा बाबुराम भट्टराई र पूर्वउपप्रधानमन्त्री वामदेव गौतमबारे सञ्चारकर्मीको जिज्ञासामा गुरुङले भने।  

उनले गठबन्धनमा अन्य दलका नेताहरु मिसिदा कांग्रेसलाई कुनै आपत्ति नभएको पनि जिकिर गरे।

‘५ दलमा अरु कोही टाँसिन्छन्, मिसिन्छन् भने हामीलाई आपत्ति हुँदैन,’ उपसभापति गुरुङले भने, ‘५ दलभित्र जुन सहमति हुन्छ त्यो सहमतिभित्रै रहेर उहाँहरु जुन–जुन पार्टीको चुनाव चिह्न लिएर लड्दै, हुनुहुन्छ त्यही–त्यही पार्टीको मौजुद नेतासँगै उहाँहरुको कुरा हुन्छ।’

साउन ३१, २०७९, मंगलबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin:[email protected]
News:[email protected]

विज्ञापनका लागि सम्पर्क

+977 9851081116
[email protected]

जीवन बस्नेत
कार्यकारी निर्देशक
सुरेन्द्र रिजाल
निर्देशक, अटो संस्करण
सविन पोखरेल
लेखा तथा प्रशासन प्रमुख
ललिता तामाङ
कार्यालय सहयोगी

नेपालखबर टीम


विशेष संवाददाता
सागर न्यौपाने

उप–सम्पादक
खगेन्द्र गिरी
नवराज रेग्मी
रूपबहादुर विश्वकर्मा
विद्यानाथ अधिकारी
चिरञ्जीवी आचार्य

ग्लोबल अफेयर्स संयोजक
सन्तोष घिमिरे

समाचार संयोजक
ज्ञानेन्द्र खड्का

निर्वाचन सम्पादक
जेवी पुन मगर

म्यागेजिन सम्पादक
सीताराम बराल

सम्पादक
अरुण बराल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Designed byCurves n' Colors. Powered by.