अखिल (छैठौं) ले नागरिकता विधेयक र संघीयता खारेजीको माग गर्दै देशका विभिन्न स्थानमा मसाल जुलुश प्रदर्शन गरेको छ।
अखिल (छैठौं) ले संसदको दुवै सदनबाट पारित नागरिकता विधेयक र प्रदेश संरचना खारेजी, महँगी, भ्रष्टाचार, एमसीसी, एसपीपी लगायतको विरोधमा शुक्रबार साँझ मसाल जुलुश प्रदर्शन गरेको हो ।
विद्यार्थीहरुले झापा, बारा, काठमाडाैं, अर्घाखाँची, पोखरा, बुटवल, अत्तरिया, प्युठान, सुर्खेतलगायतका स्थानमा मसाल जुलुश निकालेका हुन्।
त्यसक्रममा उनीहरुले ‘नागरिकता विधेयक खारेज गर, संघीयता खारेज गर, एमसीसी चाहिँदैन, महंगी भ्रष्टाचार नियन्त्रण गर’ लगायतका चर्का नारा लगाएका थिए।
विवादित नागरिकता विधेयक संसदको दुवै सदनबाट पारित भइ हाल राष्ट्रपति कार्यालयमा विचाराधीन छ। विधेयकले विदेशीलाई नेपालको नागरिकता प्रदान गर्न खुकुलो बनाएको भन्दै विरोध भइरहेको छ।
Shares
प्रतिक्रिया