परराष्ट्र मन्त्रालयले अमेरिकी सेनाको स्टेट पार्टनरसीप प्रोग्राम (एसपीपी) मा सहभागी नहुने विषयमा अमेरिकालाई पत्राचार गर्न बाँकी रहेको जनाएको छ। अमेरिकालाई पत्र पठाउने विषय अध्ययनकै क्रममा रहेको परराष्ट्रले जनाएको हो।
मन्त्रालयमा आइतबार आयोजित पत्रकार सम्मेलनमा प्रवक्ता सेवा लम्सालले एसपीपी अघि नबढाउने मन्त्रिपरिषद्को निर्णयबारे मन्त्रालय जानकार रहेको र उपयुक्त समयमा अमेरिकालाई पत्र पठाउने उल्लेख गरिन्।
एसपीपीबारे विगतमा भएका निर्णयबारे परराष्ट्र मन्त्रालयको संलग्नता नभएको उनले बताइन्।
‘अहिले हामी अध्ययनकै क्रममा छौँ। उपयुक्त समयमा अमेरिकालाई कूटनीतिक माध्यमबाट पत्र पठाइने आस्वस्त पार्न चाहन्छु’ उनले भनिन्।
सरकारले गत असार ६ गते अमेरिकी एसपीपीमा सहभागी नहुने निर्णय गर्दै औपचारिक जानकारी दिन अमेरिकालाई पत्र पठाउन परराष्ट्र मन्त्रालयलाई म्यान्डेट दिएको थियो।
नेपाली सेनाले परराष्ट्र मन्त्रालयलाई बाइपास गर्दै अमेरिकी सेनाको रणनीतिक कार्यक्रम एसपीपीमा सहभागी भएको खुलासा भएपछि सरकार पछि हटेको थियो।
यो पनि :
- एसपीपी : अमेरिकालाई पत्र लेख्ने कि नलेख्ने, अन्योलमा पर्यो सरकार
- अमेरिकाका नेपालीसँग डोनाल्ड लुले भने– नेपालकै ठूलो छिमेकीले अनावश्यक उचाल्यो, एसपीपी-एमसीसीबीच तालमेल छैन
- एसपीपीमा सहभागी नहुने जानकारी अमेरिकालाई दिन संसदीय समितिको निर्देशन
- सांसद सुरेन्द्र कार्कीको प्रस्ताव : नेपालले शक्तिराष्ट्रको दबाब थेग्न सक्दैन, शान्ति क्षेत्र घोषणा गरौँ
- आइतवारको बैठकमा नगएका देउवालाई संसदीय समितिले फेरि बोलायो
- सत्ता गठबन्धनको निष्कर्ष : एसपीपीले नयाँ तरंग ल्यायो, जनताको राष्ट्रवादको भावनालाई उचित सम्बोधन गर्नुपर्छ
- प्रधानमन्त्रीको अमेरिका भ्रमण गठबन्धनबाट अनुमोदन, कुनै सम्झौतामा हस्ताक्षर नगर्ने
- भीम रावलको प्रश्न : एसपीपी अघि नबढाउने भए आजसम्म पत्र लेखिसक्नुपर्ने होइन?
Shares
प्रतिक्रिया