बहराइनका लागि नेपाली राजदूतमा तीर्थराज वाग्ले नियुक्त भएका छन्।
राष्ट्रपति विद्यादेवी भण्डारीले नेपालको संविधानको धारा २८२ बमोजिम मन्त्रिपरिषद्को सिफारिसमा वाग्लेलाई बहराइनका लागि नेपालको आवासीय राजदूत पदमा नियुक्त गरेकी राष्ट्रपतिको कार्यालयले जनाएको छ।
यस्तै, राष्ट्रपति भण्डारीले संयुक्त राज्य अमेरिकाका लागि आवासीय राजदूत प्रा. श्रीधर खत्रीलाई गणतन्त्र मेक्सिकोका लागि समेत गैरआवासीय नेपाली राजदूत पदमा नियुक्त गरेकी छन्।
नेपालको संविधानको धारा २८२ को उपधारा (१) बमोजिम नेपाल सरकार, मन्त्रिपरिषद्को सिफारिसमा खत्रीलाई मेक्सिकोका लागि गैरआवासीय राजदूत नियक्त गरिएको राष्ट्रपतिको कार्यालयद्वारा शुक्रबार जारी विज्ञप्तिमा जनाइएको छ।
117
Shares
प्रतिक्रिया